Qendra AIRE ju fton në webinarin “Në hije: Ndjekja penale e dhunës me bazë gjinore në kujdesin shëndetësor”. Përmes analizës së rasteve reale dhe prezantimeve nga ekspertë, ky webinar synon të fuqizojë profesionistët ligjorë dhe palët e tjera të interesuara për të kuptuar, parandaluar dhe ndjekur penalisht këto shkelje shpesh të anashkaluara të të drejtave të njeriut.

Ky webinar është i dizajnuar për gjyqtarë, prokurorë, avokatë dhe profesionistë të tjerë të fushës ligjore, si dhe për aktorë të shoqërisë civile, aktivistë të të drejtave të njeriut, gazetarë dhe studentë. Përkthimi do të jetë i disponueshëm në anglisht dhe në gjuhët boshnjake/kroate/malazeze/serbe. Nuk kërkohet regjistrim paraprak.

Webinari do të zhvillohet të mërkurën, më 4 dhjetor 2024, nga ora 13:00 deri në 15:00 (CET) nëpërmjet Zoom. Ju mund të bashkoheni me webinarin në këtë link.

Temat kryesore të diskutimit do të përfshijnë vështirësitë në ndjekjen penale të këtyre rasteve, përfshirë dhunën obstetrike, mjekësore dhe seksuale, duke u fokusuar në pengesat që përballojnë viktimat për të pasur akses në drejtësi dhe rolin thelbësor të gjyqësorit në garantimin e përgjegjshmërisë. Diskutimi do të bazohet në raste reale nga Ballkani Perëndimor, duke u fokusuar veçanërisht në jurisprudencën e Gjykatës Evropiane të të Drejtave të Njeriut dhe standardet e vendosura nga Konventa Evropiane për të Drejtat e Njeriut. Gjithashtu, webinari do të trajtojë dimensionin njerëzor, duke vënë në pah ndikimin psikologjik dhe emocional tek të mbijetuarit si rezultat i formave të ndryshme të dhunës gjatë kujdesit obstetrik/gjinekologjik.

Webinari do të udhëhiqet nga ekspertët:

•Kateřina Šimáčková, Gjyqtare e Gjykatës Evropiane të të Drejtave të Njeriut

•Marina Mijatović, Avokate dhe Anëtare e Parlamentit në Kuvendin Kombëtar të Republikës së Serbisë

•Arduana Pribinja, Gazetare në Al Jazeera Balkans

•Amila Tatarević, Presidente e Shoqatës Baby Steps

•Sonja Tošković, Drejtore Ekzekutive e Qendrës për të Drejtat e Njeriut në Beograd

Organizimi i webinarit mbështetet nga Qeveria e Mbretërisë së Bashkuar. Për më shumë informacion mbi Programin e Ballkanit Perëndimor të Qendrës AIRE, vizitoni faqen zyrtare.